Luisin
Un dì per sta contrada
passava un bel fieu
e un mazzolin de rose
l'ha trà in sul me poggieu.
E per tri mes de fila
e squasi tutti i dì
el passeggiava sempre
domà per veder mi.
Vegnù ‘l cinquantanoeuv,
che guerra disperada!
E mi per ‘sta contrada
l'ho pü vedü passà.
Un dì pioveva. Ver sera
s'ciopavi del magon
quand m'è rivà 'na lettera
col bord de condizion.
Scriveva la sorella
del pover Luisin
che l'era mort in guerra
de fianc al Castellin.
Hin già passà trii ann,
l'è mort, el vedi pü
e pür sto pover coeur
l'è chi ancamò per lü.
