El careghéta


Testo:
Vélo qua lo careghéta e che 'l vegn da le montagne
e co' le paje e co' le sieghe vélo qua el pajà careghe.
E la paja no me manca e la siega gnanche quela
e tengo in mano la mia trivéla par bisogn del mio mestier.
Se ghe fussa 'na rigaza che me porta 'na carega
diséghe pure che la vegna che la impajrò par gnent.
Se ghe fussa 'na veciaza che me porta 'na carega
diséghe pure che la vegna col denaro pronto in man.
Variante:
1.
Vélo qua lo careghéta e che 'l vien da le montagne e co’ le paje e co’ le sieghe vélo qua el pajà careghe, e co’ le paje e co’ le sieghe vélo qua e vélo qua.
2.
E la paja no me manca e la siega gnanche quela e tengo in mano la mia trivèla per bisogn del mio mestier.
E tengo in mano la mia trivèla per bisogn del mio mestier.
3.
Tengo in mano anche i scolini e poi anche le sparéle su su da brave putèle bèle su portème da laorar, su su da brave putèle bèle su portème da laorar.
4.
Se ghe fussa ’na rigaza che me porta ’na carega
diséghe pure che la vegna ghe la impajarò par gnent, diséghe pure che la vegna ghe la impajarò par gnent.
5.
Se ghe fussa ’na veciaza che me porta ’na carega diséghe pure che la vegna col denaro pronto in man, diséghe pure che la vegna col denaro pronto in man.

Risorse audio presenti:
El careghéta  
Esecutore: Coro della SAT
Fa parte di: Canti della montagna : la raccolta definitiva 
El careghéta  
Esecutore: Coro CAI Uget
Fa parte di: Concerto di Canti della Montagna : Parte 2