E la röda la gira
Testo:
Oj donn, gh'è chì el moletta,
se gh'avii on cortell coi dent,
se gh'avii la forbesetta
che taja pu nient,
cortell e forbesetta,
oj donn, portemmei chì:
no gh'è nissun moletta
che 'l mola mej de mì!
E gira, la roeuda la gira,
e la gira, la roeuda la va:
Gira gira, Gioann, che ven sira,
ma la roeuda la stenta a girà!
L'è on pezz che foo girà
'sta roeuda inanz e indree
ma mai podaroo vanzà
cinch ghei de 'sto mestee:
l'è inutel pensàggh sora
l'è inscì che la gh'ha de andà,
'sta roeuda sott e sora
mì gh'hoo de fà girà!
E gira, la roeuda la gira,
e la gira, la roeuda la va:
Gira gira, Gioann, che ven sira,
ma la roeuda la stenta a girà!
Lassemm che 'l mond el gira
e gira anca la luna
comè i tosann de sira
in circa de fortuna;
e mì col mè carrett
voo in gir de chì e de là:
oj donn, gh'è chì el moletta
se gh'avii de fà molà!
E gira, la roeuda la gira,
e la gira, la roeuda la va:
Gira gira, Gioann, che ven sira,
ma la roeuda la stenta a girà!
Altra versione:
O donn gh'è chi 'l muleta,
se gh'a vi 'l curtel cui dent
se gh'a vi la furbeseta che taia pù per nient
curtel e furbeseta o donn purtemei ch
no gh'e nessun muleta che mola mei de mi
no gh'e nessun muleta che mola mei de mi.
Rit. E gira la röda la gira
e gira la röda la gira
gira gira Giuan che ven sira
ma la röda la stenta a girà.
La sent che 'l munt 'l gira
'l gira anche la lüna
cumè i tusan de sira in cerca de fortüna
e mi col me caret vo in gir de che e de là
o donn gh'e chi 'l muleta se ghìa vi de fa giustà,
o donn gh'e chi 'l muleta se ghìa vi de fa giustà.