La pastora e il lupo
1.
La bergèra larga i môtôn
E la bergèra larga i môtôn
Al lung de la riviera
E ‘l sol levà l’era tan’ càud
La sé setà a l’ômbrèta.
2.
J’è sôrtì ‘l gran lüv del bosc,
J’è sôrtì ‘l gran lüv del bosc,
con la bôca ambajeja
A j’à pià ‘l pi bel bàrbin
Ch’à j’era ‘n t’la trupeja.
3.
La bergèra ‘s büta a criar,
e la bergèra ‘s büta a criar:
"Aj, mi povra fieta!
Se qualcün a m’ajüteis,
sarìa sôa môrôsêta."
4.
Da lì passa gentil galant,
e da lì passa gentil galant
côn la sua bela speja.
S j’à dait tre côlp al lüv,
barbin l’è saôtà ‘n tera.
5.
"Mi ’v’ ringrassiô, gentil galant
e mi ’v’ ringrassiô, gentil galant,
mi ’v’ ringrassiô ‘d vostra pena.
Quand ch’i tônda ‘l me barbin,
vi dônarò la lena"
6.
"Mi na sôn pa marcant de pann,
e mi na sôn pa marcant de pann,
e gnunca de la lena.
Un basin dêl vost buchin
Mi pagherà la pena."
