La scelta felice
Testo:
Un murador mia mama mi veul dare
murador ch'a fa Muraje
fa nen àut'che s-cianchè 'd braje.
Oilì, oilà, murador mi lo veui pa ...
Un sarajé mia mama mi veul dare
sarajé ch'a bat l' ancuso
pija la fomna e i-j pista 'l muso.
Oilì, oilà, sarajé mi lo veui pa ...
Un ciavatin mia mama mi veul dare
ciavatin ch'a bat la sòla
pija soa fomna e la scopòla.
Oilì, oilà, ciavatin mi lo veui pa ...
Un campagnin mia mama mi veul dare
campagnin ch'a va 'n campagna
sempe 'n gir con soa cavagna.
Oilì, oilà, campagnin mi lo veui pa ...
Un giardinè mia mama mi veul dare
giardinè ch'a va per fior(e)
l' è chiel el mè amor(e).
Oilì, oilà, giardinè mi sposerà!
Variante:
Un mürador mia mama mi veul dare
Un mürador mia mama mi veul dare
Mürador ch’a fa m müraja fa nen aôt
Che scianchè d’braje chili ohilà mürador mi lu veui pa.
Un serajè mia mama mi veul dare
Serajè ch’a bat l’incuso pia la fômna ai pista l’müso.
Un campagnin mia mama mi veul dare
Campagnin ch’a va ‘n campagna sempre ‘n gir con sua cavagna.
Un ciavatin mia mama mi veul dare
Ciavatin ch’a bat la sola pjia la fômna la scopola.
Un giardinè mia mama mi veul dare
Giardinè ch’a va per fiure l’è chiel sôl el me amore.