Adios, Nugoro amada
Testo:
Adios (Deghina glossa)
Cun crudelissima pena
ti lasso, o terra istimada;
adios Nugor amada,
prite parto a terr’anzena.
Ecco già bennida s’ora
de partire dolorosa!
Già de purpura e de rosa
s’oriente si colora,
già cumparit s’Aurora
dae su Monte serena,
la saludan cun amena
boghe, puzones canoros:
e deo parto, o Nugòro,
cun crudelissima pena!
Frades, sorre, mam’amante,
dilettos parentes mios,
amigos caros, adios,
ecco su fatal’istante!
Cun su coro palpitante,
cun boghe tremula e lena
bos poto fàghere appena
(o dolorosa partida!)
Custa estrema dispedida
Prite parto a terr’anzena!